Трособен наместен стан во Расадник, Кисела Вода – 67 м²

Се продава комплетно опремен трособен стан со површина од 67 м², од кои 64 м² се внатрешна површина и 3 м² тераса. Станот е лоциран на мирна и атрактивна локација во населбата Расадник, Кисела Вода, веднаш до спортската сала „Расадник“.

Одлично е сочуван, функционално уреден и подготвен за вселување. Распоредот опфаќа дневна соба, кујна, спална соба, детска соба, ходник и купатило. Мебелот и елементите изработени по мерка овозможуваат максимално искористување на просторот.

Станот има затворена тераса со прозорци што се отвораат, две инвертер клими од 5,5 kW и 3,5 kW за греење и ладење, како и инсталиран систем за сопствено електрично парно со радијатори. Се наоѓа на прв кат во зграда со лифт и има јужна ориентација. Поседува чист имотен лист, а околу зградата има можност за паркирање.

Во непосредна близина има маркети, градинки, училишта и други потребни содржини, со лесен пристап до центарот на Скопје. Погоден е за семејно домување или инвестиција. Цената е фиксна.